İlham Əliyev 3 səfiri geri çağırdı: yeni təyinatlar

Azərbaycanın Tacikistan, Xorvatiya və Litva respublikalarında olan səfirləri geri çağrılıb. Bu barədə Prezident İlham Əliyev sərəncam imzalayıb. Sərəncama əsasən Azərbaycan Tacikistandakı fövqəladə və səlahiyyətli səfiri Abbasəli Kərəm oğlu Həsənov, Azərbaycanın Xorvatiyadakı fövqəladə və səlahiyyətli səfiri Kamil Tacid oğlu Xasiyev və Litvadakı fövqəladə və səlahiyyətli səfiri Həsən Dilsuz oğlu Məmmədzadə geri çağrılıb. Ölkə başçısının başqa bir sərəncamına əsasən Fəxrəddin İsa oğlu Qurbanovu Azərbaycan Respublikasının Xorvatiya Respublikasında fövqəladə və səlahiyyətli səfiri təyin edib. Eyni zamanda prezident Nazlı Abdulla Məhəmməd Azərbaycanın Cibuti Respublikasında fəxri konsulu təyin edilməsi haqda da sərəncam imzalayıb.